بعد خمس سنين فتن ومشاكل وحمل سلاح و قتل ومعارك داخلية ومجازر وكره بين الناس وإلخ...
بتخلص الخبرية على صفحات جريدة مش لبنانية... وانتبهوا انو مش لبنانية... ما هيه طول عمرا ما كانت لبنانية...
بعد خمس سنين تبين انو سبب كل البلاوي يلي حلت علينا خطأ...
انو بتصير... كل هالشباب يلي راحت والتعصب الاعمى يلي عايشينو وغيرو بسبب هالخطأ...
مين بعوض الام والبي يلي خسروا ولادن هلأ... ما حدا...
لما خلصت الحرب الأهلية قالو انو هيدي كانت حروب الاخرين على ارضنا... وانتبهوا انو الاخرين مش لبنانية كمان...
هالشباب يلي راحت هيديك الايام مين بيذكرا... ما حدا...
بتتخيلو انو هني هلأ عم يتشقلبو بقبورن وعم بقولو انو مش عأساس استشهدنا كرمال الاخرين ما هيكي فهمونا... والاحلى انو بعد ما ماتوا صار الحق عليهن...
مع انو هني كمان ضحية خطأ... و ضحية مبادىء ومفاهيم وطنية... بس ما كانو عرفانين انو كلو مرتبط بمشاريع خارجية...
انشالله يا اخواني ورفاقي وأحبائي منتعلم قبل ما نرجع نعيدا... لأنو المرة الجايي مش رح يبقى مين يخبر...
وتصبحون على وطن...
وطن حر سيد مستقل ذو وجه عربي وعلاقات مميزة...
مش عنزة ولو طارت... بتضلا عنزة
